الرئيسية / ثقافة وفنون / قالوها مقلوبة

قالوها مقلوبة

قالوها مقلوبة 
( يا ريت نعيدا)

جابوها مقلوبة قاصدينا هوبا
و نعجبك نحن ما ناساً لعوبة

قالوا لينا زغاوة عداوة 
لكن هم قاصدين غلاوة
ولقربنا ما خلوا حلاوة 

قالوا هرليل مصايب الليل
ودي الفراسة وركوب الخيل

تقد كان شافا جمل بقوم وبقود
برضو نحن بس حلاليين العُقد 

كم للإبل أصحابا وركابا
والباقين الليسفوا ترابا
لينا الصحاري والغابا
حماة المظاليم والغلابا
جيابين النفايس والبابا

رواد الثريا سمار الليالي
شقاقين الدروب للعالمين
ومن بعدنا الناس جايين

للمال عندنا فهم وقانون
والتجارة حرفتنا أم الفنون
الأسرة والقبيلة فى العيون
وكرمنا يعرفو عاقل ومجنون
الضيف نكرمو و لو ملعون
ويدنا لكل محتاج ومحزون

قالوا ود الغرب بسر القلب
تفتكرو مين هو سيد اللعب 
ما القالوهو كتير ما بيتكتب
بيضة ومكوية وكده تتحسب
الاغتراب لظى وليها نتكرب 
والقمر هين بس وين الدرب

ونقلة السبعينات مننا هدية
وعمت البلاد طفرة ومدنية
والأسواق كانت كلها ليبية
كسرنا الحاجز وكلو بالنية
تمدُن تحضُر جهود ذاتية 
رؤوس أموال كانت خرافية
تكافل تضامن أذهلت جلابية

العاصمة مسحناها أراضي
وناسبنا الكل قرش وتراضي
مين يقدر يقول فينا حكاوى 
وفي الجامعات عملنا بلاوي 
اها بري طب و بور هندسة
و الكليات خليناها مدنقسة
برضو جايين تقولو دغمسة 

ما نحن الزغاوة والعطرون
وكل الصعب عندنا بيهون
لحمنا مُر زي شجر الزقوم

وبكده كترت علينا الأعادي
وتكالبت الدنيا وكل الايادي
والكل أصبح باسمنا ينادي
ما عرفنا هلوسة ولا بتهاتي
و البعض افتكرونا البعاتي

قلناها ثورة وضربنا الأعماق
الفاشر امدرمان وده السودان
ما أظن بعدهم تاني في بيان
الرجالة دانقر ونحن البوادر
شلناها على اكتافنا شهامة
هم النشاما أولادك يا زغاوة

الحكومة خافت ضاقت حالا
جابت مرتزقة لتحمي عيالا
جيشت البلد طيران وذخيرة
عشان يواجهو بحر الدميرة
ولكن الفارس ضربتو أليمة 

ما سمعنا دولة تحارب قبيلة
سجل يا تاريخ والناس عليمة
فعلا دي سابقة وحالة فريدة
وما تجي الا من ناس عظيمة

النصر أتي بصمود وعزيمة
وبرجال عُرفو بقوة الشكيمة

ولكن زعزت الصفوف هزيمة
والكرة ستعاد أقوى بالتنظيمة
فلنبعد العلل والفرقة والقطيعة

ولنشرك اهل الارض الفسيحة
وهم الصحب والأهل والعشيرة
وبهم ستكتمل اللوحة الكبيرة
وكفي التاريخ يسطر المسيرة
———————
كمال الدين مصطفى

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.